എ. ഡി. 1700 ൻ്റെ അവസാന ദശകങ്ങളിൽ ഏറനാട് താലൂക്കിലെ അനന്തായൂരിൽ നിന്നും പൂവാട്ടുപറമ്പിൽ എത്തി ആദ്യം അച്ചംവീട്ടിലും പിന്നീട് ആനകുഴിക്കര തെക്കുവീട്ടിലും താമസമാക്കിയ മോദി ഇത്തീരുമ്മ ദമ്പതികൾക്ക് കുഞ്ഞോയി ഹാജി, അബ്ദുറഹിമാൻ, കോയ മമ്മദ്, അബ്ദുള്ള, ഏനിയാൻകുട്ടി, കോയ എന്നീ ആറ് ആൺമക്കളും, ഉമ്മാച്ച, ഖദീജ, ആയിഷബി, ഇത്തീമ, പെണ്ണ് എന്നീ അഞ്ചു പെൺമക്കളും ഉൾപ്പെടെ 11 സന്താനങ്ങൾ ഉണ്ടായിരുന്നു. ഈ കുടുംബമാണ് കാലാന്തരത്തിൽ പൂവാട്ടുപറമ്പ് കുറ്റിക്കാട്ടൂർ പ്രദേശങ്ങളിൽ പടർന്നു പന്തലിച്ച പ്രസിദ്ധ ആനക്കുഴിക്കര തെക്കുവീട്ടിൽ കുടുംബം....

ഇതിൽ അവസാനത്തെ മകനായ കോയ വിവാഹിതനായ ഉടനെ മരണപ്പെട്ടതിനാൽ കുടുംബ പരമ്പര രൂപപ്പെട്ടിരുനില്ലയെങ്കിലും മറ്റ് അഞ്ച് ആൺമക്കൾക്കും വലിയ കുടുംബ പരമ്പര രൂപപ്പെടുകയുണ്ടായി. അതാണ് ഇന്ന് അറിയപ്പെടുന്ന, തെക്കുവീട്ടിൽ, നടുവിലക്കണ്ടി, കൊല്ലോലത്ത്, എരഞ്ഞിക്കൽ, പൂവാട്ട്, കറുത്തേടംപറമ്പ്, ചോലക്കൽ ചെറുവറ്റടത്തിൽ, മംഗലക്കാട്ട്, അച്ചംവീട്ടിൽ, കരിപ്പാൽ, തിരുത്തിപള്ളി വടക്കേക്കര, ഇടത്തിൽ തുടങ്ങിയ കുടുംബ ശാഖകൾ. ഈ കുടുംബം അന്നും ഇന്നും ഈ പ്രദേശത്തെ സാമൂഹിക സാംസ്കാരിക സാമ്പത്തിക മതപരമായ മേഖലകളിൽ പ്രശംസനീയമായ വ്യക്തിമുദ്ര പതിപ്പിച്ച കുടുംബമാണ്.